Nis bashkëpunimi ndërmjet Televizionit TvR dhe RTV21

Të dielën  në orën 16 filloi transmetimi në të njejtën kohë në RTV 21 dhe Televizionin TvR i showt televiziv nga Brukseli : Origjina Show, projekt ky i  realizuar nga Televizioni TvR – Përfaqësia në Bruksel. Origjina Show është show më i ri televiziv i drejtuar nga showmani Rifat Avdiu i njohur për drejtimin dhe organizimin e shumë show dhe spektakleve televizive në Kosovë dhe Diasporë . Ky show do te sjellë çdo javë nga Brukseli  momente interesante me personazhe të spikatura nga Diaspora shqiptare . Përfaqësia e Televizionit TvR në Bruksel u hap para disa muajsh si iniciativë e Televizionit TvR , që të jetë më afër diasporës shqiptare për të prezantuar dhe afirmuar aktivitetin e saj . Kjo iniciativë bëri bashkë themeluesin e TvR Rifat Avdiun dhe afaristin e njohur  Përparim Rekën , për të hapur  përfaqësinë e  Televizionit TvR në Bruksel . Origjina Show është projekti i parë i Përfaqesisë së TvR-se në Bruksel  , me producentë Rifat Avdiun dhe Përparim Rekën , me transmetim çdo javë në RTV21 dhe TVR. Vlen të theksohet gadishmëria e drejtuesve të shtëpisë më të madhe mediale në Kosovë RTV21  Aferdita Saraçini Kelemendi dhe Florin Kelmendi , që ky show të jete në çdo familje mërgimtare kudo në botë edhe nëpërmjet ekranit të  RTV21.