Ish-Mis Belgjika do të kandidojë në zgjedhjet e qershorit.

Ish-Miss Belgjika ka hyrë në botën e politikës, duke shpallur kandidaturën e saj për zgjedhjet federale në qershor. Julie Taton është emëruar kandidatja e dytë e partisë Mouvement Reformateur (MR) në provincën Walloon Hainaut, pas kreut të partisë Georges-Louis Bouchez. Nga sot ajo do të lërë postin e saj aktual si prezantuese e televizionit NRJ . 39-vjeçarja fitoi famë kur fitoi Miss Belgjikën në vitin 2003, në moshën 18 vjeçare. Pas një karriere të suksesshme në media, Taton thotë se tani dëshiron të hyjë në politikë në emër të fëmijëve me sëmundje afatgjata pasi edhe  djemtë e saj bëjnë pjesë në këtë kategori . “Është një sëmundje e rrallë e cila kërkon shumë seanca të terapisë së të folurit. Shumë familje nuk mund ta përballojnë këtë,” tha ajo. “Unë gjithashtu zgjodha MR sepse kam qenë e vetëpunësuar për gati 15 vjet dhe është shumë e vështirë të krijosh projekte në Belgjikë, kështu që gjërat duhet të ndryshojnë edhe atje.” Bouchez njoftoi kandidaturën e saj me entuziazëm në rrjetet sociale, duke e prezantuar si një “grua të angazhuar, sipërmarrëse dhe personalitet ikonë të medias belge.”