Artan Gashi fillon projektin e ri muzikor së bashku me Riki Production dhe TvR

Shpesh herë pasioni na udhëheq drejt përcaktimit se kush do jemi në jetën  profesionale . Por jo të gjithë e kanë fatin që ta ndjekin atë , për arsye nga me të ndryshmet , prandaj ndodhë që ai të venitet dhe të mbetet brenda nesh , thjeshtë si një hoby.

Disa të tjere e kuptojnë që është mëkat që mos ta kultivojnë talentin që posedojnë , prandaj i rikthehen pasionit të mëhershëm  me një energji kreative dhe përkushtim profesional , për ta jetësuar atë në përputhje me standartet e kohës.


Kështu ka vepruar së fundmi edhe Artan Gashi i cili i rikthehet pasionit të tij për muzikën.

Disa vite më pare ai realizoi këngen e tij të parë Dy medaljona , të cilën e pati promovuar në skenën gjigande të spektaklit : Swiss Lloto qe drejtohej nga showmani Rifat Avdiu

Projekti i tij më i ri muzikor  këngë dhe videoklip , do të realizohet në bashkëpunim me  produksionin Riki Production dhe Televizioni TvR.