Bruksel : Homazhe dhe lule pranë bustit të heroit tonë kombëtar Gjergj Kastriotit – Skënderbeut.

Sot në Bruksel u bënë homazhe pranë bustit të heroit tonë kombëtar Gjergj Kastriotit – Skëndërbeut. Në emër të Ambasadës së Republikës së Kosoves vendosi një kurorë me lule ambasadori Agron Bajrami i cili për TvR-në tha: Jemi sot këtu për të përkujtuar figurën e heroit tonë të madh kombëtar Gjergj Kastriotin në kohën kur shqiptarët kudo që jetojnë në tokat e tyre , janë më të bashkuar se kurrë rreth idesë se cila do te jetë e ardhmja e tyre , të ardhmen të cilën e projektoi para 5 shekujsh Skenderbeu. Në emër të Ambasadës së Republikës së Shqipërisë në këtë ceremoni vendosi një kurorë me lule  diplomatja Eliza Dushollari e cila ndër të tjera tha se sot jemi këtu bashkë me Ambasadorin e Kosovës për të përkujtuar figurën më unifikuese të shqiptarëve , heroin kombëtar  Gjergj Kastriot Skëndërbeun. Kjo ceremoni përkujtimore prane bustit të Skenderbeut në Bruksel mbahet për 3 vite me radhë , nën organizimin e historianit dhe veprimtarit  Ragip Zekolli , i cili me këtë rast  shprehi falenderimet për pjesmarrjen  e dy ambasadave shqiptare në përkujtimin e figurës së heroit tonë të madh kombëtar.