Portieri Karius lidh kurorë me gazetaren e famshme italiane

Loris Karius ndoshta e pati një rënie drastike në karrierën si futbollist, por në jetën private gjërat duket se po i shkojnë për mrekulli. Portieri që u bë i famshëm mbi të gjitha për gabimet e rënda që i kishte bërë në finale të Ligës së Kampionëve mes Liverpoolit dhe Real Madridit, do ta kurorëzojë shumë shpejt lidhjen e tij me martesë. Portieri gjerman do të kurorëzohet me gazetaren italiane, Diletta Leotta, shkruan “Gazeta Express”. Ishte pikërisht kjo e fundit që e bëri të ditur këtë në profilin e saj zyrtar në Instagram, ndërsa i postoi edhe disa fotografi të muajve më parë kur sportisti ia kishte vendosur unazën e fejesës.