Samiti për Ukrainën më 28 shkurt në Tiranë, Zelensky do të vizitojë për herë të parë Shqipërinë

Më 28 shkurt në Tiranë do të mbahet samiti për Ukrainën, ku padyshim fokusi do të vendoset tek lufta me Rusinë që vijon prej shkurtit 2022. I pranishëm do jetë Presidenti ukrainas, Volodymyr Zelensky i cili do të vizitojë për herë të parë, Shqipërinë. Një ditë më pas, më 29 shkurt do të ketë një takim me vendet e Ballkanit Perëndimor po në kryeqytetin shqiptar. Takimi në 29 shkurt i vendeve të Ballkanit Perëndimor do të jetë në kuadër të planit të rritjes ekonomike dhe perspektiva europiane e vendeve te rajonit.